Savings Account sa Pilipinas – Mga Pangunahing Alituntunin
Nagpaplanong bawasan ang paggastos at gustong maghanap ng lugar kung saan maaaring mag-ipon? Ang pagbubukas ng isang savings account ay ang maaaring maging solusyon. Marami sa atin ang nakakaalam ng savings account ngunit hindi batid ang proseso at mga bagay-bagay tungkol ditto. Ilan sa mga sumusunod ang magpapaliwanag tungkol sa savings account sa Pilipinas:
Ano ang Savings Account?
Ang savings account ay isang uri ng account sa bangko kung saan maaaring ligtas na ipunin ang pera at kumita dahil sa ineteres kada buwan. Halos lahat ng bangko sa Pilipinas ay nag-aalok ng ganitong serbisyo.
Kabutihang dulot ng Pagkakaroon ng Savings Account
Kailangang malaman ang kahalagahan ng pagkakaroon ng savings account. Narito ang mga sumusunod:
- Maayos na Pamamalakad ng Pera. Sa pagkakaroon ng savings account, magagamit ang pera sa wastong paraan. Hindi katulad ng cash na hawak, maaaring makita at mabantayan ang lahat ng transaksyon at nakukuhang interest gamit ang buwanang account statement.
- Madaling Gamitin sa Panahon ng Pangangailangan. Sa panahon ng pangangailangan (halimbawa ay biglaang gastos sa pagpapagamot), maaaring gamitin ang pera mula sa savings account na pang-gastos.
- Walang Hirap sa Araw-araw. Hangga’t may savings account, maaaring magpadala ng pera ang kahit sino sa iyong account. Ang savings account ay maaaring i-access sa lahat ng oras at nakakatuwang isipin na maaari kang maglabas ng pera kahit saan.
- Garantiyado ang Seguridad. Hangga’t ang bangko na nangangalaga ng savings account ay nasa ilalim ng pamamahala ng Bangko Sentral ng Pilinas, makasisiguradong ang savings account na may maximum value na PHP500,000 ay ligtas at insured.
- Kumita ng Interest kada Buwan. Bagamat ang interest rates sa savings account ay may kaliitan, kumikita pa rin ito ng malaki sa paglipas ng taon. Mas maganda itong paraan ng pag-iipon kasya sa pagtago ng pera sa bahay na na hindi naman tumutubo ng interest.
Ang pagbubukas ng savings account ay masasabing importante. Para sa iba pang kaalaman tungkol sa ilang institusyon ng pagbubukas ng savings account sa Pilipinas, puntahan ang aming savings account comparison table!
Leave your comment